5 ნიშანი იმისა, რომ შესაძლოა თქვენი ნაწლავები არაჯანსაღად ფუნქციონირებდეს..
ამის შესახებ Შენ უნდა იცოდე!
ჯანსაღი ნაწლავი ჯანსაღი სხეულისა და გონების შენარჩუნების ერთ ერთი მთავარი საიდუმლოა!
საჭმლის მომნელებელი სისტემის სწორად ფუნქციონირება აუცილებელია თქვენი ჯანმრთელობისთვის. კუჭ-ნაწლავის ტრაქტი კი შეიცავს ბაქტერიებს, რომლებიც ხელს უწყობენ მრავალი მნიშვნელოვანი ფუნქციის შესრულებას.
ეს კარგი ბაქტერიები ხელს უწყობენ იმუნიტეტის ამაღლებას, აწარმოებენ ტვინის ჯანსაღ ქიმიურ სეროტონინს, გარდაქმნის საკვებს ენერგიად და ათავისუფლებს უცხო ნივთიერებებს და ტოქსინებსაც კი.
მაგრამ თუ კუჭ-ნაწლავის ტრაქტში არსებული კარგი ბაქტერიები გადატვირთულია ცუდი ბაქტერიებით, ამ დროს ჩათვალეთ, რომ ორგანიზმში მიმდინარე ყველა პროცესი არასწორედ იფუნქციონირებს. ნაწლავის ბაქტერიების დისბალანსმა ასევე შეიძლება გავლენა მოახდინოს სხვა ორგანოებისა და სხეულის სისტემების ფუნქციონირებაზე.
ადამიანთა უმეტესობამ არც კი იცის, რომ ნაწლავის ბაქტერიაში რაღაც არასწორად მიმდინაროებს, ამიტომ აღნიშნულ პრობლემას არც კი განიხილავენ. არაჯანსაღი ნაწლავის ნიშნების ცოდნა კი დაგეხმარებათ პრობლემის იდენტიფიცირებაში და შემდგომ უკვე მის გამოსწორებაში.
ამისთვის კი აქ მოცემულია 5 ნიშანი იმისა, რომ თვქენი ნაწლავის ფუნქციონირება არაჯანსაღად მიმდინარეობს:
1. საჭმლის მომნელებელი პრობლემები:
შებერილობა, გაზები, დიარეა ან ნაწლავის არარეგულარული მოძრაობები ნაწლავის ბაქტერიების დისბალანსის აშკარა ნიშანია.
იმის გამო, რომ თქვენი ნაწლავის ბაქტერიები მუშაობენ საჭმლის მონელებაზე და დაშლაზე, ნორმალურია გაზების გამოყოფა ამ პროცესში. მაგრამ მძიმე გაზები, ძლიერი შებერილობა შეიძლება გამოწვეული იყოს საჭმლის მომნელებელი ტრაქტის გაუწონასწორებლობითაც.
ჭარბი გაზი შეიძლება დაგროვდეს კუჭ-ნაწლავის ტრაქტში ცუდად მონელებული საკვებისგან, რომელიც ფერმენტირებულია მსხვილ ნაწლავში ბაქტერიების მიერ, სადაც აირი წარმოიქმნება.
ხოლო საჭმლის მომნელებელი დისკომფორტი განსაკუთრებით მძიმე შეიძლება იყოს ნახშირწყლებით მდიდარი საკვების მიღების შემდეგ.
2. ვიტამინებისა და მინერალების დეფიციტი:
საჭმლის მომნელებელი სისტემის მთავარი როლი საკვების დაშლაა, რომელსაც მიირთმევთ და ასევე ის, რომ საკვები ნივთიერებები მიაწოდოს ორგანიზმის ყველა უჯრედს. ხოლო ამ საკვებ ნივთიერებებს უჯრედები ზრდის, აღდგენისა და ენერგიისთვის იყენებს.
მაგრამ როდესაც საჭმლის მომნელებელი პროცესი დეფიციტურია ნაწლავის ბაქტერიების დისბალანსის გამო, ორგანიზმში საკვები ნივთიერებების შეწოვა ირღვევა. დროთა განმავლობაში, ამან შეიძლება გამოიწვიოს კვების დეფიციტი.
არაჯანსაღი ნაწლავის გამო გავრცელებული დეფიციტი მოიცავს D, K, B12 და B7 ვიტამინების დაბალ დონეს, ასევე მაგნიუმისაც.
3. ენერგიის ნაკლებობა:
მეტაბოლიზმი რთული პროცესია, რომელიც მოითხოვს საკვების ქიმიურ დაშლას საწვავად, რომელსაც ნაწლავის მიკრობები ქმნიან. ნაწლავის ბაქტერიების დისბალანსი ხელს უშლის თქვენს ორგანიზმს საკვებიდან საჭირო საკვები ნივთიერებების ათვისებაში, რაც მუდმივად დაღლილობის გრძნობას გიტოვებთ.
გარდა ამისა, ის საშუალებას აძლევს ტოქსინებს ნაწლავის კედლებში გადავიდეს საჭმლის მომნელებელ სისტემიდან, რამაც თავის მხრივ შეიძლება გავლენა იქონიოს თქვენს ენერგეტიკულ დონეზე. უფრო მეტიც, ნაწლავის არაჯანსაღი ბაქტერიები იწვევს გარკვეული ანთებითი ნაერთების, ციტოკინების მატებას, რომლებიც პირდაპირ კავშირშია დაღლილობასთან.
Clinical Nutrition-ში გამოქვეყნებული 2012 წლის კვლევა ხაზს უსვამს ნაწლავის მიკრობების მნიშვნელოვან როლს და გავლენას საკვებ ნივთიერებების შეწოვასა და ენერგიის რეგულირებაში. თუმცა, კონკრეტული როლი, რომელსაც ცალკეული მიკრობები ასრულებენ ენერგიის მიღებაში, გაურკვეველი რჩება.
4. აუტოიმუნურ დაავადებებთან ასოცირებული ანთება:
ნაწლავების ჯანმრთელობა ასევე დაკავშირებულია აუტოიმუნურ დაავადებებთან, როგორიცაა რევმატოიდული ართრიტი, კრონის დაავადება და ლუპუსი. ნაწლავის ბაქტერიების დისბალანსმა შეიძლება გამოიწვიოს აუტოიმუნური პასუხი, რაც იწვევს ანთებას აუტოიმუნური დაავადებების მქონე ადამიანებში.
5. კანის პრობლემები:
კანის პრობლემები, როგორიცაა აკნე, როზაცეა, ეგზემა ან ქერცლიანი კანი, შეიძლება დაკავშირებული იყოს ნაწლავების ცუდ ჯანმრთელობასთან.
ანთება დაკავშირებულია კანის ბევრ დაავადებასთან, განსაკუთრებით აკნესთან და ფსორიაზთან.
Gut Pathogens-ში გამოქვეყნებული კვლევა მიუთითებს, რომ ნაწლავის მიკრობები და თავად კუჭ-ნაწლავის ტრაქტის მთლიანობა აკნეს პროცესის ფაქტორებია. თუ მოულოდნელად გაწუხებთ კანის ანთებითი დაავადებების ახალი ან უფრო ხშირი გამწვავებები, როგორიცაა აკნე, როზაცეა, ფსორიაზი, დერმატიტი ან ეგზემა, ეს შეიძლება იყოს ნაწლავის პრობლემის ნიშანი.
გადაიმოწმეთ ჯანმრთელობა და შეინარჩუნეთ სიჯანსაღე!