3 რამ, რაც ყველამ, ვისაც მაღალი წნევა აწუხებს, უნდა იცოდეს
მაღალი არტერიული წნევა არის გულის დაავადებისა და ინსულტის (სიკვდილის მეოთხე წამყვანი მიზეზი) ძირითადი რისკ-ფაქტორი და იწვევს 1100-ზე მეტ სიკვდილიანობას დღეში.
ყველაზე გასაოცარი ის არის, რომ ამ სიკვდილის უმეტესი ნაწილი პრევენციულია. ჩვენ ახლა გვაქვს მაღალი წნევის ეფექტური და იაფი მკურნალობა, მაგრამ ჰიპერტონული პაციენტების მხოლოდ 44% აქცევს ყურადღებას ამ პრობლემას და იღებს ზომებს არტერიული წნევის გასაკონტროლებლად.
ძალიან მნიშვნელოვანია არტერიული წნევის მონიტორინგი ყოველდღე.ბევრი ადამიანი, მათ შორის ექიმებიც, ფიქრობენ, რომ არტერიული წნევის გაზომვის საუკეთესო და ზუსტი გზა საავადმყოფოშია. მაგრამ ბოლო წლების კვლევებმა აჩვენა, რომ ამ შემთხვევაში შედეგები ხშირად არაზუსტია. კვლევებმა აჩვენა, რომ ექიმების მიერ არტერიული წნევის მაჩვენებლების 65%-მდე არასწორია.
ასე რომ რეგულარულად გაიზომეთ წნევა თავადვე. გთხოვთ გაითვალისწინოთ, რომ წნევის გაზომვამდე ჯერ უნდა დაისვენოთ და მშვიდად იჯდეთ 5 წუთი მაინც.
ზოგჯერ უმჯობესია არტერიული წნევის წამლების მიღება ღამით.
ადრე მეგონა, რომ არტერიული წნევა ყოველთვის მატულობს დღის განმავლობაში, ამიტომ უმჯობესი მეგონა არტერიული წნევის წამლის დილით მიიღება. თუმცა, უახლესმა კვლევებმა აჩვენა, რომ არტერიული წნევის წამლების საღამოს მიღება უკეთესია არტერიული წნევის დასაწევად და, რაც მთავარია, ამცირებს სიკვდილის, გულის შეტევის, გულის უკმარისობისა და ინსულტის რისკს.
აქვე ერთი გაფრთხილება მაქვს: თუ იღებთ არტერიული წნევის წამალს, რომელიც შარდმდენი საშუალებაა, შესაძლოა მაინც ჯობდეს მისი მიღება დილით, რათა მთელი ღამე არ მოგიწიოთ აბაზანაში ხშირი სიარული.
თუ არტერიული წნევის კონტროლი რთულია, მიმართეთ ექიმს: ეს შეიძლება იყოს ჰორმონალური პრობლემა.
დიდი ხანია ვიცით, რომ მაღალი წნევის ერთ-ერთი მიზეზი არის ჰორმონის ალდოსტერონის მომატება. ადრე ეს იშვიათად ითვლებოდა. თუმცა, ბოლოდროინდელმა კვლევებმა აჩვენა, რომ ალდოსტერონის მაღალი დონე შეიძლება იყოს არტერიული წნევის უფრო ხშირი მიზეზი, ვიდრე ჩვენ გვგონია. ირკვევა, რომ არტერიული წნევის მქონე ადამიანების 20%-მდე შეიძლება ჰქონდეს მაღალი ალდოსტერონის დონე, თუმცა 1000-დან მხოლოდ 1-ს უტარდება ტესტირება.
გახსოვდეთ, რომ თქვენ ყოველთვის გაქვთ არტერიული წნევის კონტროლის უნარი. ცხოვრების წესის ცვლილებები, როგორიცაა რეგულარული ვარჯიში, მკვებავი საკვების მიღება, ალკოჰოლისა და მარილის ჭარბი მოხმარების თავიდან აცილება და წონის დაკლება, შეიძლება იყოს ისეთივე ეფექტური (ან მეტიც!) ვიდრე ნებისმიერი წამალი.
ცხოვრების წესის ცვლილებების გარდა, ესაუბრეთ ექიმს, თუ როგორ უნდა აკონტროლოთ არტერიული წნევა სახლში, რა მედიკამენტები უნდა მიიღოთ ღამით და უნდა გაიაროთ თუ არა ტესტირება ალდოსტერონის მაღალ დონეზე.
