როგორ მოვამზადოთ ასკილი ისე, რომ არ დაკარგოს სამკურნალო თვისებები

2704

როგორ მოვამზადოთ ასკილი ისე, რომ არ დაკარგოს სამკურნალო თვისებები

ასკილის ნაყოფი იმისათვის, რომ მასში შემავალმა ვიტამინებმა ბიოლოგიური აქტივობა შეინარჩუნოს, აუცილებელია დროულად შევაგროვოთ, სწორად გავამშრალოთ და სათანადო პირობებში შევინახოთ.

ასკილის ნაყოფი შემოდგომით, დარბილებამდე უნდა დავკრიფოთ და არა მწვანე, რომელშიც ჯერ კიდევ არ არის დაგროვილი სასარგებლო ნივთიერებები. ასკილი ყინვამდე უნდა დაიკრიფოს, რათა ყინვადაკრულმა ნაყოფმა ვიტამინები არ დაკარგოს.

ახალდაკრეფილი ასკილის ნაყოფი მზის სხივებს უნდა მოვარიდოთ და ჩრდილში გავაშროთ, მერე კი თავდახურულ ჭურჭელში შევინახოთ.

ასკილის ნაყენი და ნახარში ჰიპოვიტამინოზისა და ავიტამინოზის სამკურნალოდ გამოიყენება.

ერთ ჭიქა ასკილის ნაყენს შეგვიძლია დავუმატოთ ერთი სადილის კოვზი თაფლი და 10-15 წვეთი ლიმონის წვენი. ეს წვენი სასარგებლოა გრიპის, გაციებისა და ქრონიკული ბრონქიტის დროს.

ეფექტურია ფილტვისა და გულ-სისხლძარღვთა სისტემის დაავადებების, ხერხემლის ოსტეოქონდროზის, კუჭისა და თორმეტგოჯა ნაწლავის წყლულოვანი პათოლოგიის, ნერვული დაავადებების სამკურნალოდ.

ასკილის ნახარში ეფექტურია იმუნური სისტემის გასაძლიერებლად, რადგან ის ამაღლებს ორგანიზმის მედეგობას გაციების დროს.

ნაყენი შემდეგნაირად უნდა მომზადდეს:

ერთი სადილის კოვზი გამომშრალი ნაყოფი დავფქვათ და 2 ჩაის ჭიქა მდუღარე წყალი დავასხათ, 5-10 წუთი ავადუღოთ. 2-3 საათი გავჩეროთ და გადავწუროთ. ეს ნახარში შეგვიძლია მივიღოთ დღეში 3-4 ჯერ, 1/4-1/2 ჭიქა.

ასკილის ნაყენი გამოიყენება თირკმლებში მიმდინარე ანთებითი პროცესების საწინააღმდეგოდ.

ამისათვის, 20 გრამ დანაყილ ნედლეულს დავასხათ ერთი ჩაის ჭიქა მდუღარე წყალი და 12 საათი გავაჩეროთ თერმოსში, შემდეგ გადავწუროთ. ეს ნაყენი შეგვიძლია დღეში სამჯერ, ნახევარი ჭიქა მივიღოთ.

აუცილებლად სანახავი: ლიმონიანი წყლის დილით დალევის დადებითი და უარყოფითი მხარეები.

Vap.ge არის სივრცე, რომელიც გთავაზობთ რჩევებს ჯანმრთელობის, თავის მოვლისა და ყოველდღიური საქმიანობის შესახებ. ჩვენი მიზანია მოგაწოდოთ ინფორმაცია ისეთი ნატურალური საშუალებებისა და რეცეპტების შესახებ, რომლებიც დაგეხმარებათ გაიუმჯობესოთ ჯანმრთელობა, გახდეთ უფრო ლამაზები და გაიმარტივოთ ყოველდღიური საქმეები. რაც მთავარია, ამ ყველაფერს აკეთებთ სახლში, სიამოვნებას იღებთ პროცესით და ზოგავთ საკმაოდ დიდი თანხას.

Facebook კომენტარები