როგორ გავუმკლავდეთ ზამთრის ატოპიურ დერმატიტს ! მიიღეთ და გაითვალისწინეთ რჩევები!
ეგზემა ან სხვაგავარად ატოპიური დერმატიტი კანის ქრონიკული დაავადებაა. თუ თქვენ გაქვთ ეგზემა, შეიძლება დაგჭირდეთ ისეთ სიმპტომებთან გამკლავება, როგორიცაა ძლიერი ქავილი (განსაკუთრებით ღამით), კანის მშრალი და ქერცლიანი ლაქები, რომლებიც წითელიდან მოყავისფრო ნაცრისფერ ფერამდე იცვლება და მცირე აწეული წყლულები, რომლებიდანაც სითხე გამოდის და მათ გარშემო შესაძლოა განვითარდეს ქავილი. ყველაზე საყურადღებო კი ისაა, რომ ეს სიმპტომები ზამთარში უარესდება.
ამ პრობლემა შეიძლება გავლენა იქონიოს სხეულის სხვადასხვა ნაწილზე, მათ შორის მუხლებზე და იდაყვებზე ან წინამხრებზე, ასევე სახეზე, კისერზე, მაჯებზე, თავის კანზე, მკლავებზე, ფეხებზე, მკერდზე და ზურგზეც კი.
ზამთრის მშრალ ჰაერს შიდა გათბობის სისტემებთან ერთად შეუძლია კანის გამოშრობა და ეგზემის სიმპტომების გაძლიერება.
როგორ გავუმკლავდეთ ზამთრის ეგზემას
ეგზემა ასევე შეიძლება გამოწვეული იყოს კანის გამაღიზიანებლებით, ინფექციებით, სტრესით და გარკვეული ალერგენების ზემოქმედებით, როგორიცაა მტვერი ან შინაური ცხოველების ბეწვი.
აქაა საუკეთესო გზები ზამთრის ეგზემასთან გამკლავებისთვის:
შეინარჩუნეთ თანაბარი ტემპერატურა:
კანი ჩვეულებრივ რეაგირებს ტემპერატურის უეცარ ცვლილებებზე, განსაკუთრებით ზამთარში. მაგალითად, როცა ზამთრის ცივ დღეს შედიხართ თბილ სახლში ან პირიქით, კანი ვერ უმკლავდება მას სათანადოდ. სინამდვილეში, ტემპერატურის უეცარი ცვლილება ხელს უწყობს კანის სიმშრალეს და ქავილის შეგრძნებას. ამან შეიძლება გააუარესოს ეგზემის სიმპტომები.
გამოიყენეთ დამატენიანებელი:
ზამთარში ტენიანობა ჩვეულებრივ დაბალია. ტემპერატურის კლებასთან ერთად მცირდება ტენიანობაც. გარდა ამისა, ცენტრალური გათბობის სისტემები ატარებენ ცხელ ჰაერს მთელ სახლში, რაც თავის მხრივ აშრობს შიდა ჰაერს და შეიძლება გამოიწვიოს ეგზემა.
ხშირად წაისვით დამატენიანებელი: დამატენიანებელი აუცილებელია წელიწადის ნებისმიერ დროს. მაგრამ ზამთარში უფრო მეტად უნდა გამოიყენოთ და უფრო ხშირად წაისვათ. სწორი დამატენიანებელი კრემის გამოყენება ეგზემის გამწვავების წინააღმდეგ ბრძოლის ერთ-ერთი საუკეთესო საშუალებაა.
დაიმახსოვრე შენი კანის დატენიანება დღეში ერთხელ აუცილებელია!
აირჩიეთ სწორი ტანსაცმელი:
როდესაც ტემპერატურა ეცემა, ჩვენ მიდრეკილნი ვართ ჩავიცვათ ბევრი ტანსაცმელი. ქუდები, შარფები, ხელთათმანები, სვიტერები და წინდები აუცილებელია სიცივის თავიდან ასაცილებლად. მაგრამ მათ, ვისაც ეგზემა აწუხებთ, თავი უნდა აარიდონ მატყლის ნივთებს.
შეარჩიეთ შესაფერისი ტანსაცმელი ზამთრის ეგზემის თავიდან ასაცილებლად!
მატყლს შეუძლია კანის გამოშრობა, რამაც შეიძლება გაზარდოს ქავილი. ასევე, ყველაფერს, რომელსაც აქვს უხეში ნაკერები და ფხვიერი ძაფები, შეიძლება ჰქონდეს იგივე ეფექტი.
სცადეთ ჩაიცვათ ქსოვილი ბამბის რამდენიმე ფენით, ვიდრე ერთი მძიმე მატყლის ფენით, რომელიც დაგეხმარებათ დაარეგულიროთ თქვენი სხეულის ტემპერატურა საჭიროებისამებრ მთელი დღის განმავლობაში.
გამოტოვეთ ცხელი აბაზანები:
რაც არ უნდა მაცდური იყოს იმის განცდა, რომ ზამთრის დღეებში ხანგრძლივი ცხელი აბაზანაა საჭირო, ეს ნამდვილად არაა ასე. სინამდვილეში, ზამთრის ცხელი აბაზანები შეიძლება იყოს ეგზემის გამწვავების მიზეზი.
ცხელი აბაზანების სიცხემ შეიძლება გამოიწვიოს თქვენი კანის გამოშრობა, რაც მეტად გამოიწვევს სიმშრალეს და ქავილს.
დამატებითი რჩევები
- საჭიროების შემთხვევაში, შეგიძლიათ სცადოთ ალერგიის წამალი, რომელიც გაიცემა რეცეპტი ს გარეშე, მაგრამ ყოველთვის ჯობია პირველ რიგში მიმართოთ ექიმს.
- ქავილის სამკურნალოდ შეგიძლიათ გამოიყენოთ ადგილობრივი კრემი, როგორიცაა კალამინის ლოსიონი.
- ცივ კომპრესს ასევე შეუძლია დაამშვიდოს კანის ქავილის, ანთებითი ადგილები.
- გარეცხეთ ტანსაცმელი და თეთრეული სპეციალურად მგრძნობიარე კანისთვის შექმნილი სარეცხი საშუალებით, საღებავებისა და სუნამოების გარეშე.
