“ექიმმა ისეთი ძვირადღირებული წამლები გამომიწერა, რომ ვერც კი ვიოცნებებდი შეძენაზე, ამიტომ დავიწყე ხალხური რეცეპტების ძებნა! აღმოვაჩინე მარტივი საშუალება სახსრების სამკურნალოდ – ეს გახლავთ ნატურალური თაფლი”

"ექიმმა ისეთი ძვირადღირებული წამლები გამომიწერა, რომ ვერც კი ვიოცნებებდი შეძენაზე, ამიტომ დავიწყე ხალხური რეცეპტების ძებნა! აღმოვაჩინე მარტივი საშუალება სახსრების სამკურნალოდ – ეს გახლავთ ნატურალური თაფლი"

ძალიან მტკიოდა მუხლის სახსარი. ექიმმა მითხრა, ართროზი გაქვსო. დამინიშნა წამლები, რომელმაც ძალიან გამიღიზიანა კუჭი და უარი ვთქვი მიღებაზე.

სხვა ექიმთან მივედი. მან კი ისეთი ძვირად ღირებული წამლები გამომიწერა, რომ ვერც კი ვიოცნებებდი შეძენაზე. ამიტომ დავიწყე ხალხური რეცეპტების ძებნა.

აღმოვაჩინე მეტად მარტივი საშუალება სახსრების სამკურნალოდ – ეს გახლავთ ნატურალური თაფლი, რომლითაც სახსრის მასაჟი კეთდება. ამისთვის საჭიროა 1/2 ს/კ თაფლი.

ხოლო თაფლით სახსრის მკურნალობა ასე ტარდება: წყლიანი ქვაბი შემოდგით ცეცხლზე. როცა დუღილს დაიწყებს, ქვაბზე დადეთ საწური და მასში ჩადგით თაფლიანი ჭიქა. პროცედურის დაწყებამდე სახსარი კარგად უნდა გაითბოთ — მასზე 15-20 წუთის განმავლობაში უნდა დაიდოთ სათბურა, რომელსაც პერიოდულად უცვალოთ მდგომარეობა, რათა მთელი სახსარი თანაბრად გაგითბეთ. შემდეგ დაჯექით, ორი თითით ცოტა თაფლი ამოიღეთ და წრიული, რბილი მოძრაობით სახსრის არეში შეიზილეთ. როგორც კი თაფლი შეიწოვება და თითები კანზე დაგეწებებათ, ხელმეორედ შეიზილეთ.

მთლიანი პროცედურის ხანგრძლივობა 15-20 წუთია. ყურადღება მიაქციეთ, რომ კანი მთელი ამ ხნის განმავლობაში თაფლით იყოს დაფარული. მასაჟის დამთავრების შემდეგ 3-4 ფენად დაკეცილი დოლბანდი დაიფინეთ სახსარზე ისე, რომ თაფლი არ მოიშოროთ და ჩაიცვით თბილად. 2-3 საათის შემდეგ დოლბანდი მოიხსენით და სახსარი თბილი წყლით მოიბანეთ.

მკურნალობის კურსი 10 სეანსია. პირველი სამი ყოველდღიურად უნდა ჩაიტაროთ, შემდგომი შვიდი — დღეგამოშვებით. თუ საჭირო იქნება, შეგიძლიათ მასაჟი 2 კვირის შემდეგ გაიმეოროთ, მაგრამ სეანსები აუცილებლად 2-3 დღის გამოშვებით უნდა ჩაიტაროთ. ახლა თავს გაცილებით მე საკუთარ თავზე გამოვცადე ამ პროცედურის სიკეთე უკეთ ვგრძნობ, თანაც ისე, რომ წამლები აღარ მჭირდება. ვიცი, ჩემნაირი პრობლემა ბევრს აწუხებს, ამიტომ გთავაზობთ მკურნალობის ამ ხერხს.

ექიმის კომენტარი: თაფლი ბუნებრივი ბიოსტიმულატორია. ანტიანთებით, იმუნომასტიმულირებელ და ანტისეპტიკურ თვისებებთან ერთად მეტად მნიშვნელოვანია ქსოვილოვან ცვლაზე ამ პროდუქტის დადებითი ზემოქმედება. ართროზის დროს კი სწორედ ნივთიერებათა ცვლის დარღვევის ფონზე განვითარებული სახსრის ქსოვილთა დისფუნქციასთან გვაქვს საქმე. თანაც თაფლის ეფექტიანობას ზრდის ერთი განსაკუთრებული თვისება — დიფუზიურობა, ანუ ღრმა ქსოვილებში შეღწევადობა. ამიტომაა, რომ მისი გარეგანი აპლიკაციებისას ღრმად მდებარე ქსოვილებში ვიღებთ დადებით შედეგს.