როგორ გაავარჯიშოთ ტვინი, რომ შეწყვიტოს ზედმეტი წუხილი და შფოთვა ?! საჭირო ტექნიკების ცოდნა ყველას გამოადგება..
გაითვალისწინეთ!
იცოდით, რომ ზედმეტი წუხილი არა მხოლოდ თქვენს ფსიქიკურ მდგომარეობაზე მოქმედებს, არამედ უარყოფითად მოქმედებს ფიზიკურ ჯანმრთელობაზეც? მიუხედავად იმისა, რომ მცირე შფოთვა შეიძლება სასარგებლოც კი იყოს, რადგან ის გეხმარებათ მოემზადოთ მომავალი სიტუაციისთვის, ბევრი წუხილი საზიანოა თქვენი ჯანმრთელობისთვის.
როცა შეშფოთებული ხართ, თქვენი გულისცემა მატულობს, უფრო მეტად ოფლიანდებით და სუნთქვა გაცილებით რთული ხდება. შესაძლოა ფერმკრთალიც გახდეთ, იმის გათვალისწინებით, რომ სისხლი კანს შორდება და კუნთებისკენ მიიწევს, რათა მოამზადოს ისინი ბრძოლისთვის.
როდესაც სხეული ემზადება საფრთხეზე საპასუხოდ, დაძაბულობა შეიძლება გადაიზარდოს ტკივილში, რომელიც იწვევს ფეხების სუსტ კანკალს, თავის ტკივილს და ზურგის ტკივილს. იგივე დაძაბულობამ შეიძლება გავლენა იქონიოს საჭმლის მომნელებელ სისტემაზეც კი, გამოიწვიოს დიარეა ან ყაბზობა.
გარდა ამისა, ქრონიკულმა შფოთვამ შეიძლება გამოიწვიოს ინფექციებისადმი მიდრეკილება. ცნობილია, რომ სტრესი და შფოთვა აქვეითებს იმუნურ სისტემას, გაციებისკენ ან კიდევ უფრო სერიოზული დაავადებებისკენ მიდრეკილებას.
კარგი ამბავი ის არის, რომ ტვინი ძალზედ ადაპტირებადი ორგანოა და ქცევის რამდენიმე ცვლილების შეტანამ შეიძლება მნიშვნელოვნად შეამციროს შფოთვა და დაგეხმაროთ ყოველდღიურ საქმიანობის დაბრუნებაში. ქვემოთ მოცემულია სამი მარტივი პრაქტიკა, რომელიც შეიძლება ჩართოთ თქვენს ცხოვრებაში შფოთვის შესამცირებლად და შფოთვის დონის დასამშვიდებლად.
სცადეთ ისინი!
ჩამოწერრეთ თქვენი წუხილის მიზეზი: თქვენი წუხილის კონკრეტული სიტყვებით გადმოცემა დაგეხმარებათ პრობლემების კონცეპტუალიზაციისთვის და პრობლემის გადაჭრის გზების პოვნაში.
Mindfulness მედიტაციის პრაქტიკა: ამ ეტაპზე გასაკვირი არ არის, რომ მედიტაციას აქვს სამკურნალო თვისებების ფართო სპექტრი. ამ თემაზე მრავალმა სხვადასხვა კვლევამ დაადასტურა, რომ თვალების დახუჭვა და სუნთქვის მოსმენა ხელს უწყობს გონებრივი სტაბილურობისა და კოგნიტური ფუნქციის გაუმჯობესებას.
ასე რომ, როცა გრძნობთ შფოთვას ან თავს გადატვირთულად თქვენი გადატვირთული გრაფიკისდა გამო, მაშინ დაუთმეთ დრო მედიტაციას. ყველაფერი რაც თქვენ დაგჭირდებათ ესაა დამშვიდებული გონება და მშვიდი სივრცე! სულ რაღაც ორ წუთში თავს უფრო კონცენტრირებულად და ოპტიმისტურად იგრძნობთ.
გადაიტანეთ თქვენი სტრესი ვარჯიშში: ვარჯიში იძლევა როგორც ფიზიკურ, ასევე გონებრივ სარგებელს. მიუხედავად იმისა, რომ თავიდან შეიძლება რთული იყოს, რეგულარული ვარჯიში გეხმარებათ დაიბრუნოთ კონტროლი თქვენს ცხოვრებაზე. კონტროლისა და თვითშეფასების ეს გრძნობა საშუალებას გაძლევთ შეამციროთ საერთო შფოთვა და სტრესი.
ექიმები ხშირად დეპრესიულ პაციენტებს აერობული ვარჯიშის გაკეთებას ურჩევენ, რადგან დადასტურებულია, რომ ეს ამცირებს ორგანიზმში სტრესის ჰორმონების დონეს, როგორიცაა კორტიზოლი და ადრენალინი. გარდა ამისა, ის ასევე ხელს უწყობს ენდორფინების, ტვინის ქიმიკატების გამომუშავებას, რომლებიც კლავს ტკივილს და ამაღლებს თქვენს განწყობას.
