“კუჭ-ნაწლავთან დაკავშირებული დარღვევების მოგვარება საბოლოოდ მცენარეული საშუალებებით შევძელი. თქვენც გასწავლით რამდენიმე რეცეპტს” . .

272
Turebi iafadFlekosteli

“კუჭ-ნაწლავთან დაკავშირებული დარღვევების მოგვარება საბოლოოდ მცენარეული საშუალებებით შევძელი. თქვენც გასწავლით რამდენიმე რეცეპტს” . .

35 წლის ვარ. ბოლო დროს კუჭ-ნაწლავმა შემაწუხა. ექიმმა გაღიზიანებული ნაწლავის სინდრომის დიაგნოზი დამისვა. პრობლემა განსაკუთრებით მიმწვავდებოგაღდა ზაფხულობით, როცა ბევრი ხილი და ბოსტნეული შემოდის. ცოცხალი პროდუქტი ძალიან მიყვარს, მაგრამ შევჭამდი თუ არა, მეწყებოდა მუცლის ყურყური, შებერილობა, ნაწლავე- ბის სპაზმები და კუჭის შეკრულობა.

ექიმის რეკომენდაცია ამ შემთხვევაშ საკმარისი ნამდვილად არ იყო, ამიტომაც გადავწყვიტე, თავად მეშველა საკუთარი ჯანმრთელობისათვის. ჩემი საკვები რაციონიდან გამოვრიცხე ბარდა, ლობიო, კომბოსტო, შებოლილი და ცხიმიანი საკვები, რადგან, ჩემი დაკვირვებით, ეს საკვები ყველაზე მეტად მწყენს. ხშირად მივირთმევ ხორბლის ფაფას, მაწონს, ხაჭოს. ვცდილობ, ჩემს მიერ მიღებული საკვები იყოს თბილი — არც ცივი და არც ცხელი. გამოცდილებამ მიჩვენა, რომ უკეთესია საკვები მივიღო დღეში რამდენჯერმე და ერთ ჭამაზე არასოდეს დავნაყრდე ზომაზე მეტად. ასევე გამოცდილებამ მიჩვენა, თუკი რაიმეზე ვინერვიულებდი, მაშინვე თავს მახსენებდა ნაწლავური პრობლემებიც.

კუჭ-ნაწლავთან დაკავშირებული დარღვევების მოგვარება საბოლოოდ მცენარეული საშუალებებით შევძელი. გასწავლით რამდენიმე რეცეპტს: გოგრის ყუნწი დააქუცმაცეთ. 3-4 ს/კ ყუნწს დაასხით 0,5 ლ წყალი, ხარშეთ 15 წთ და მიიღეთ დღის განმავლობაში.

– ასევე ნაწლავებში გაზების წარმოქმნას ამცირებს კამის თესლის ნაყენი: 1 ს/კ კამის თესლს დაასხით 0,5 ლ მდუღარე წყალი. ნაყენი უნდა სვათ წყლის მაგივრად დღის განმავლობაში. გარდა ამისა, ძალიან სასარგებლოა კარტოფილის ახალგამოწურული წვენი. უზმოზე, დილაობით, უნდა მიიღოთ ნახევარი ჭიქა, 10 დღის განმავლობაში. შემდეგი 10 დღის მანძილზე უნდა სვათ სტაფილოს ახალგამოწურული წვენი. ამ მარტივი საშუალებებით დღეს თავს ძალიან კარგად ვგრძნობ და შემიძლია ვთქვა, რომ კუჭ-ნაწლავი საერთოდ აღარ მაწუხებს.

ექიმის კომენტარი: გაღიზიანებული ნაწლავის სინდრომის დროს ადგილი აქვს ნაწლავთა მამოძრავებელი აქტივობის ფუნქციურ მოშლილობას და თავს იჩენს ისეთი სიმპტომები, როგორებიცაა: ყაბზობა, დიარეა, მეტეორიზმი, მუცლის ტკივილი, რომელიც ცხრება დეფეკაციის შემდეგ. ეს მდგომარეობა მეტად ხშირია 25-45 წლის ასაკის ქალებში, თუმცა გვხვდება მოხუცებსა და ბავშვებშიც. ამ სინდრომის ჩამოყალიბებაში მნიშვნელოვანი როლი ნერვული სისტემის მდგომარეობასაც უკავია, ამიტომ იყო, რომ როგორც მკითხველი აღნიშნავს, ნერვული აღგზნებისას დაავადება მწვავდებოდა.

რაც შეეხება მცენარეულ რეცეპტებს, გოგრა ხალხურ მედიცინაში საკმაოდ დიდი ხანია ცნობილია, როგორც მინერალებით, ვიტამინებით და ორგანული მჟავებით მდიდარი მცენარე, რომელსაც მრავალმხრივი სამედიცინო გამოყენება აქვს: აცხრობს ანთებით პროცესს მსხვილ ნაწლავში,აწესრიგებს საჭმლის მონელებას, ხსნის ნაღვლის ბუშტის ატონიას, კარგ შედეგს იძლევა თირკმელების დაავადებების, ღვიძლის, პოდაგრისა და ათეროსკლეროზის დროს. კამის თესლი მეტეორიზმის სამკურნალო საუკეთესო საშუალებაა. კარტოფილისა და სტაფილოს წვენები კი აცხრობს კუჭისა და ნაწლავების ანთებებს და უხდება გულძმარვას.

Facebook კომენტარები
Aviabiletebi ganvadebit Varikosette