რამდენიმე წლის წინათ სახსრებმა შემაწუხა და პოდაგრის დიაგნოზი დამისვეს! ვიპოვე რამდენიმე უებარი ხალხური საშუალება და ფეხზეც წამოვდექი. .
რამდენიმე წლის წინათ სახსრებმა შემაწუხა. ექიმებმა პოდაგრის დიაგნოზი დამისვეს. ერთ დროს სიცოცხლით სავსე კაცი სრულიად შემცვალა ტკივილებმა, რომლებიც პერიოდულად შემომიტევდა.
ექიმის დანიშნულ მედიკამენტებთან ერთად მკურნალობის საკუთარი გზების ძებნა დავიწყე. ვიპოვე რამდენიმე უებარი ხალხური საშუალება და ფეხზე წამოვდექი. წვრილად დაჭერით 1 კონა ნიახური, დაასხით 300-400 გ მდუღარე წყალი და თბილ-თბილი დალიეთ უზმოზე 7 დღის განმავლობაში.
ეს ნაყენი ორგანიზმს აახალგაზრდავებს კიდეც. თუ პოდაგრული წანაზარდები გაქვთ, ძილის წინ მტკივან ადგილზე დაიდეთ ახალგაჭრილი ბოლოკი, გადაიხვიეთ და დილამდე დაიტოვეთ.
- ძალიან კარგია დაფნის ფოთლის ნაყენიც, რომელიც ასე მზადდება: 10 ცალი დაფნის ფოთოლი 5 წუთი ხარშეთ 300 მლ წყალში, შემდეგ შეფუთეთ და 3 საათით დააყენეთ. სვით ყლუპ-ყლუპად მთელი დღის განმავლობაში. ერთი კვირის შემდეგ გაიმეორეთ. სახსრების ტკივილი გაგივლით.
ექიმის კომენტარი: ნიახური ორწლიანი ბოსტნეული მცენარეა, ჩვენში ყველგანაა გავრცელებული. მდიდარია ბიოაქტიური ნივთიერებებით, შეიცავს: ეთერზეთებს, B ჯგუფის და A, E ვიტამინებს, კაროტინოიდებს, ფესვებში კი უხვადაა ძმარმჟავა და ფუროკუმარინი, რომელსაც სიმსივნის საწინააღმდეგო მოქმედება აქვს. ძველ ქართულ მედიცინაში სხვადასხვა დაავადების დროს იყენებდნენ ნიახურის თესლს, ფოთოლს, ფესვს, წვენს. სხვა მცენარეებისა და ნიახურისგან ამზადებდნენ ე.წ. სიქანჯუბინს, რომელსაც შარდმდენი მოქმედება ჰქონდა და თირკმელების დაავადებათა სამკურნალოდ, აგრეთვე შეშუპებების დროს გამოიყენებოდა. ნიახურის თესლი შედიოდა უძილობის, ჭორფლის მოსაშორებელი წამლების შემადგენლობაში. ნიახურის ნაყენი ორგანიზმში აწესრიგებს ნივთიერებათა ცვლას. რადგან პოდაგრა ნივთიერებათა ცვლის დარღვევით მიმდინარე პათოლოგიაა, რომელსაც თან ახლავს თირკმლის დაზიანებაც, ამ დაავადების მკურნალობის პროცესში ნიახურის ჩართვა უდავოდ დადებით შედეგს მოიტანს.
ბოლოკი შეიცავს: ცილას, სახამებელს, ორგანულ მჟავებს, ვიტამინებს (B, B,, C, PP), ნატრიუმს, კალიუმს, კალციუმს, მაგნიუმს, ფოსფორს, რკინას, ფიტონციდებს, ეთერზეთებსა და სხვა. ბოლოკი მადის აღმძვრელია, აუმჯობესებს საჭმლის მონელებას, აქვს ნაღველმდენი და შარდმდენი თვისებები. განსაკუთრებით სასარგებლოა შავი ბოლოკი.
თაფლში შერეული მისი წვენი კარგი ამოსახველებელი საშუალებაა ბრონქიტის, ყივანახველას დროს, ბოლოკი შლის კენჭებს თირკმელებსა და შარდის ბუშტში. გახეხილი — გარეგანი სამკურნალო საშუალებაა სახსრების ანთების, რევმატიული და პოდაგრული ანთებების, რადიკულიტის, ეგზემის დროს.
- ბოლოკის სპირტიანი ნაყენი გამოიყენება სახის კანის გასაწმენდად (ჭორფლის მოსაცილებლად). დაფნა ჩვენში კერძების სანელებლად გამოიყენება. ფიტოთერაპევტები კი მიიჩნევენ, რომ იგი დადებითად მოქმედებს ამენორეის, კოლიტის, მეტეორიზმის, ისტერიის, შეშუპების დროს. ამ მიზნით მცენარის ყველა ნაწილის გამოყენება შეიძლება. დაფნა, ნიახურის მსგავსად, აწესრიგებს ნივთიერებათა ცვლას, ამიტომ მისი ნაყენი ეფექტიანია შაქრიანი დიაბეტის და პოდაგრის სამკურნალოდ.
